काठमाडौं । गायक यश कुमारले सांगीतिक फिल्म ‘तिम्रो मेरो मायामा’ सार्वजनिक गरेका छन् । राजधानीमा हालै आयोजित एक कार्यक्रमका बीच उनले २० मिनेट लामो सांगीतिक फिल्मको भिडियो सार्वजनिक गरेका हुन् ।
कार्यक्रमका प्रमुख अतिथी साहित्यकार राजन मुकारुङले गायक यश कुमार बिना संगीत क्षेत्र नै अधुरो हुने बताए । विगत ३ दशक यता नेपाली संगीत क्षेत्रमा यश कुमारले फरक गीत तथा संगीत मार्फत् आफुलाई स्थापित गरेको बताए ।
यो गीतमा गायक यश कुमार र स्मिता प्रधानको स्वर छ । भिडियोमा समेत उनीहरुले नै अभिनय गरेका छन् । सार्वजनिक गीतको शब्द रचना, संगीत तथा भिडियो निर्देशन समेत गायक यश कुमारले नै गरेका हुन् । भिडियोमा यश र स्मितासँगै रमिला मोक्तान, रेशम बुढाथोकी, कल्याण ढुंगानाको समेत अभिनय रहेको छ ।
दिनेश पराजुली एण्ड टिमको छायांकन रहेको भिडियोका प्रोडक्सन डिजाइनर करण सिंह र सम्पादक विकास धमाला हुन् ।
