काठमाडौं । सर्ट फिल्म ‘बाछिटा‘ को सम्पादन कार्य अन्तिम चरणमा पुगेको छ । पर्फोमिङ आर्ट क्रियसनको व्यानरमा निर्माण भएको यस फिल्ममा कमल एक्चै मगरको निर्देशन छ । सामाजिक सञ्जालमा पोस्टर सार्वजनिक गर्दै सम्पादन कार्य अन्तिम चरणमा रहेको निर्देशक मगरले जानकारी दिएका छन् ।
सत्य घटनामा आधारित यो फिल्मले सशस्त्र द्वन्द्वका छिट्टालाई चित्रण गर्ने निर्देशक मगरले जानकारी दिएका छन् । क्रिशला मगर कार्यकारी निर्माता रहेको यस फिल्मको कथा, पटकथा लेखनको काम आरुष मगरले गरेका छन् । संकल्प भुजेलको छायांकन, राजेन्द्र मोक्तानले रंग संयोजन गरेका छन् भने दृश्य सम्पादन निर्देशक मगर स्वयम्ले गरेका छन् ।
फिल्ममा सुशिला थापा, सुनिता गाहा मगर, अमृत काउचा मगर, विकल लामा, मिना पुर्णिमा आदि कलाकारको अभिनय रहेको छ ।
