काठमाडौं । फिल्म ‘चंगा चेट’ मा समावेश गीत ‘गोजीमा दाम छैन’ युट्युबमा १० करोड भ्युज पार गर्न सफल भएको छ। सात वर्षअघि ओएसआर डिजिटलको अफिसियल युट्युब च्यानलमार्फत सार्वजनिक गरिएको यस गीतले १० करोड भ्युजको ऐतिहासिक कीर्तिमान बनाएको हो।
माधव वाग्लेले निर्माण गरेको फिलमको यस गीतमा संगीतकार राजनराज शिवाकोटीको संगीत रहेको छ। राजनराज शिवाकोटी, मेलिना राई र गृष्मा शिवाकोटीले स्वर दिएका गीतमा हरिहर तिमल्सिनाको शब्द छ।
भिडियोमा फिल्मका प्रमुख कलाकारहरू प्रियंका कार्की, सन्दीप क्षेत्री, आयुष्मान देशराज जोशी, परमिता राणा, रबिन्द्र झा र सुरक्षा पन्त फिचर छन्। भिडियोको कोरियोग्राफी प्रविन सिंहले गरेका हुन् भने निरज कंडेलले डीओपीका रूपमा काम गरेका छन्। फिल्मको सम्पादन दिर्घ खड्काले र निर्देशन दीपेन्द्र के। खनालले गरेका हुन्।
