काठमाडौँ । आउँदो शुक्रवार रिलिज हुन लागेको फिल्म ‘शेरबहादुर’को फिल्म सेन्सर बोर्डबाट आइतबार ‘पीजि’ सर्टिफिकेट पाएको छ । यो सर्टिफिकेट पाएपछि बालबालिकाले फिल्म हेर्न अभिभावकसँग फिल्म हल जानुपर्नेछ । निर्माता गौरीशंकर धुजुले फिल्मको केही दृश्यमा रगत देखिएकाले कुनै पनि दृश्य नकाटी पीजि सर्टिफिकेट दिइएको बताए ।
हलिउड फिल्मबाट प्रभावित फिल्म हलिउडको भन्दापनि राम्रो बनेको फिल्मका एशोसियट निर्देशक प्रदिप भट्टराईले बताए । फिल्ममा शीर्ष भूमिकामा सुनिल थापा देखिएका छन् ।
बिशेषत शेरबहादुर एक अवकास प्राप्त आर्मीको कथामा आधारित थ्रिलर जनराको फिल्म हो । आर राजवंशी निर्देशक रहेको फिल्ममा सुनिल थापा, कर्मा, मेनुका प्रधान, रविन्द्र झा कलाकार छन् ।
