सन् २०१८ मा हेर्नैपर्ने यी हलिउड फिल्म

लसएञ्जल्स(एजेन्सी) । अंग्रेजी नयाँवर्ष सन् २०१८ अब आगमनको संघारमा नै छ । सन् २०१७ को बिदाई र नयाँवर्ष २०१८ को स्वागत गर्न विश्व समुदाय एकजुट भइसकेको छ । सन् २०१८ लाई मनोरञ्जनमय वर्ष कसरी मनाउने भनेर सोच्दै हुनुहुन्छ भने बीबीसीले तपाईलाई वर्ष २०१८ मा हेर्नैपर्ने फिल्मको नाम सार्वजनिक गरेको छ । रमाइलो के छ भने प्रत्येक महिनामा कुन फिल्म हेर्ने पनि उसले महिना तोकिदिएको छ ।

जनवरी महिनामा तपाईले जेसिक चेस्टेन अभिनित एरोन सर्किनको बायोपिक फिल्म ‘मोलिज गेम’, क्रिस्टियन बेलको ‘होस्टाइल्स’, गेरी ओल्डमेनको ‘डार्केष्ट आवर’, फ्रान्सेस म्याडोरमेन्डको ‘थ्री बिलबोर्डस् आउटसाइट अफ इबिङ, मिजोरी, टम ह्यांक र मेरिल स्ट्रिपको ‘द पोस्ट’ र रिड्ले स्कोटको ‘अल द मंकी इन द वल्र्ड’ हेर्न सक्नुहुनेछ । यही पिक्सरको ‘कोका’ र आरर्डमेनको ‘अर्ली म्यान’ नामका दुई एनिमेटेड फिल्मले पनि तपाईलाई मनोरञ्जन दिनेछन् ।

वर्षकै छोटो महिना रहेको फेब्रुअरीमा ओस्कारको दौडमा रहेको डेनियल डे लेविस अभिनित ‘फेन्टम थ्रेड’, डेञ्जल वासिङ्टनको ‘रोमन जे इजरायल, इश्क’, कोलिन फर्थको ‘द मेर्सी’, साओराइस सोनानको ‘लेडी बर्ड’ र सेली हकिन्सको ‘द सेप अफ वाटर’, मार्गोट रोबीको ‘आइ, टोन्या’ नजर लगाउन सक्नुहुनेछ । यसै महिना वर्षकै पहिलो सुपरहिरो फिल्म ‘ब्ल्याक पेन्थर’ र ‘फिफ्टी सेड्स फ्रिड’ पनि आकर्षण रहनेछन् ।

मार्च महिना महिलाका लागि विशेष हुनेछ । किनकी यो महिना शीर्ष भूमिकामा रहेको फिल्म धेरै रिलिज हुँदैछन् । यो महिना जेनिफर लरेन्सको ‘रेड स्पेरो’, रोनी माराको ‘मेरी म्यागडेलेन’ र एलिसिया भिकान्डेरको ‘टम्ब रेडर’ रिलिज हुनेछन् । रोबोट फिल्म ‘पेसिफिक रिमः अपराइजिङ’, स्टिभिन स्पिलबर्डको ‘रेडी प्लेयर वान’ र एनिमेटेड फिल्म ‘पिटर ¥याबिट’ प्रदर्शन हुनेछन् ।

अप्रिल महिनामा मार्बलको सुपरहिरो फिल्म ‘द न्यू मुटेन्ट्स’, ‘एभेन्जर्सः इनफिनिटि वार’, ड्वाइनको ‘रेम्पेज’, एमिली ब्लन्टको सुपर हरर फिल्म ‘ए क्वाइट प्लेस’ र उपन्यासमा आधारित फिल्म ‘दी ग्वार्सने लिटररी एण्ड पोटाटो पिल पाइ सोसाइटी’ हेर्न सक्नुहुनेछ । मे महिनामा एल्डिन इहरेनरिच अभिनित फिल्म ‘सोलोः ए स्टार वार्स स्टोरी’, लेडी गागा अभिनित ‘ए स्टार वार बर्न’, सेरोन होर्गेनको ‘सेर्लोक ग्नोम्स’ रिलिज हुनेछन् ।

जुन, जुलाई र अगष्ट भने फिल्म कमै मात्र रिलिज हुनेछ । खास गरी यो समयमा विश्वकप फूटबल चलिरहेको हुनाले पनि मानिसहरुमा फिल्ममा भन्दा बढी फूटबलमा ध्यान हुनेछ । यो महिना दर्शकले फूटबलसँगै सान्द्रा बुल्लक, केट ब्लानचेट र रिहाना अभिनित ‘ओसियन्स ८’ र पिक्चर्सको ‘इन्क्रिडिबल २’, कार्टुन सिरिज ‘होटल ट्रान्सलेभानिया ३’ र मेरिल स्ट्रिप, कोलिन फर्थ अभिनित ‘माम्मा मिया २’ हेर्न सक्नुहुनेछ । टम क्रुजको चर्चित रोमाञ्चकारी फिल्म ‘मिसनः इम्पोसिबल ६’ र रेन रेनोल्ड्सको ‘डेडपुल २’, ‘एन्ट मेन’ र ‘जुरासिक वल्र्डः फलन किङ्डम’ पनि आकर्षक फिल्ममा छन् । सेप्टेम्बरदेखि डिसेम्बरसम्म कुन महिना कुन फिल्म रिलिज हुन्छन् भन्ने टुंगो चाहिँ लागेको छैन ।