काठमाडौं । स्त्रीरोग विशेषज्ञ डा.भोला रिजालको शब्द रहेको राष्ट्रिय भावको गीत ‘अन्धकार पन्छाएर’ सार्वजनिक भएको छ । शिव परियारको स्वर, शंकर थापा स्माइलको संगीत रहेको गीतको भिडियो सार्वजनिक भएको हो ।
वीरेन्द्र भाट ‘विपिन’को निर्देशन रहेको गीतको भिडियोमा रमेश बुढाथोकी, डा.नवीन यादव, विष्णु रोक्का, जयन्त रेग्मी, सुशील श्रेष्ठलगायतको अभिनय छ । सरला रिजालको प्रस्तुति रहेको भिडियोमा महेश महराको छायांकन र वीरेन्द्रकै सम्पादन छ ।
डा. रिजालले हामीहरू फुटेर होइन जुटेर अघि बढांै भन्ने धारणाले यो राष्ट्रभावको गीत ल्याएको बताए ।
